EMRAT – Makina del nga rruga në aksin Lezhë- Milot, humb jetën drejtuesi 24 vjeçar, dërgohet në spitalin e Traumës pasagjeri

Një aksident me pasojë fatale është regjistruar në orët e para të mëngjesit të sotëm në superstradën Lezhë-Milot.


Ngjarja ndodhi rreth orës 3 të mëngjesit, pranë kryqëzimit të Ishull-Shëngjinit. Raportohet se një automjet tip ‘Benz’ ku udhëtonin dy persona ka dalë nga rruga dhe ka përfunduar në një biznes në anë të sajë.

Për pasojë ka ndërruar jetë 24-vjeçari Denis Dedgjonaj, i cili drejtonte mjetin, ndërsa pasagjeri, shtetasi Ndue Pjetri, është transportuar në spitalin e Traumës ne Tiranë.

Denis Dedgjonaj, 24 vjecari që humbi jetën në aksident

NJOFTIMI I POLICISË

Në orët e para të mëngjesit,në aksin rrugor Lezhë -Milot, në Ishull Lezhë, drejtuesi i mjetit tip “Benz” shtetasi D.D.,24 vjeç ,banues në Lezhë ka humbur kontrollin e mjetit duke dalë nga rruga.

Si pasojë e përplasjes ka gjetur vdekjen drejtuesi i mjetit shtetasi D.D. dhe ka marrë dëmtime pasagjeri shtetasi N.P.,i cili është transportuar në spitalin e Traumës, Tiranë.

Grupi hetimor në vendngjarje punon për sqarimin e plotë të shkakut dhe rrethanave të ngjarjes.

ShkodraWeb Media © 2017 - 2021 Të gjitha të drejtat e rezervuara ‖ Lejohet kopjimi i materialeve duke përmendur burimin nga janë marrë!

ShkodraWeb Channel