Një ndeshje më të vërtetë e bukur u luajt në Shkodër, me Kukësin që triumfoi 2-1 ndaj Partizanit, në javën e 14-të të Abissnet Superiore.Takimi do zhbllokohej që në minutën e 11-të me Emiliano Mustën, i cili merr përsipër ekzekutimin e një goditje dënimi. Përfundimi? Rrjeta.
Po Musta do katranoste gjithçka në minutën e 72-të. Ai do kthente mbrapa gabimisht një top, duke realizuar një autogol të pabesueshëm. Verilindorët të karikuar në maksimum ia dalin të përmbysin shifrat me Gjelbrim Taipin, i cili lëshon një perlë nga repertori i tij në të 84-tën.
Kukësi është përkohësisht në vendin e parë me 27 pikë, po aq sa Tirana që do përballet me Teutën. Në krahun tjetër, të kuqtë e drejtuar nga Ilir Daja janë në vendin e pestë me 18 pikë.
