Pas ngjarjes së ndodhur një orë më parë kur një lokal u sulmua me breshëri armësh në vendin e quajtur rruga e Stacionit të Pompave, lagje Dobraç, Shkodër, flet njëri nga vëllezërit e pronarit të lokalit.
Vlash Pjetri, ish- administrator i Njësisë Administrative Rrethina shprehet se as ai, as vëllezërit e tjerë nuk kanë qenë në lokal në momentin e sulmit. Po sipas tij, ata kanë qenë nëpër shtëpitë e tyre, ndërsa lokali i mbyllur.
Pjetri thotë se nuk i di arsyet e kësaj ngjarje, pasi asnjëri prej tyre s’ka pasur probleme me ndonjë person.
“Nuk kemi qenë brenda në lokal. Kemi qenë në shtëpitë tona dhe lokali ka qenë i mbyllur. Nuk e dimë nga ka ardhur kjo ngjarje, policia po heton”,- tha ai në një komunikim me celular për mediat. /BW/
