“Leri llogjet dhe respekto Marrëveshjen e 5 Qershorit”, zëdhënësi i Metës- Ramës: Presidenti nuk e shpëton dot Profetin e Kokoshkave

Presidenti i Republikës, Ilir Meta reagon nëpërmjet zëdhënësit pas deklaratave të kryeministrit Rama ndaj kreut të shtetit. Duke e konsideruar Profet të Kokoshkave, zëdhënësi Tedi Blushi thotë se Rama i urren zgjedhjet dhe se Presidenti nuk e shpëton dot.

Sipas tij, shqiptarët po bëhen gati për të marrë pjesë në Referendumin më të madh në këto 30 vite.

Reagimi i plotë:

Për mirë opozitar se sa tradhtar, më mirë opozitar se sa kusar, më mirë opozitar se sa zuzar.

Profeti i Kokoshkave nuk ka faj që i ka hyrë tartakuti nga 25 prilli.

Profeti i Kokoshkave i urren zgjedhjet.

Profeti i Kokoshkave ka frikë nga zgjedhjet, edhe në parti.

Presidenti nuk e shpëton dot Profetin e Kokoshkave nga makthet dhe ankthet e tij, sigurisht as nga 25 prilli.

Shqiptarët po bëhen gati për të marrë pjesë në Referendumin më të madh në këto 30 vite kundër bandës, tiranisë dhe këtij Sekti, që nuk njeh as Kushtetutë, as ligj, as nder, as familje, as Atdhe, as BE dhe as OSBE duke turpëruar edhe karrigen qyl në krye të saj.

ILIR META para se të jetë President dhe opozitar, në radhë të parë është SHQIPTAR.

Leri llogjet dhe respekto Marrëveshjen e 5 Qershorit. Mbaje njëherë fjalën në jetën tënde se e ke edhe me shkrim dhe noterizim!