Disa ditë më parë presidenti Xhaferi deklaroi se Vioresin Sinani është pjesë e familjes kuqeblu, pavarësisht se u zëvendësua nga Ndriçim Shtubina si pjesë e ekipit të parë të Vllaznisë. Madje, Xhaferi përmendi edhe ekipin U-17 ku Sinani mund të vazhdonte të ishte pjesë e klubit shkodran.
Në fakt, Sinani do të ulet në pnakinën e lënë bosh nga Elvis Plori, i cili tashmë është drejtori sportiv i KF Vllaznia. Bomberi më i mirë i historisë së kampionatit shqiptar me 208 gola, do të jetë trajner i Vllaznia U-21.
Sinani, përveç se një nga sulmuesit më të mirë shqiptar në vite, ka patur karrierë si trajner edhe i Kombëtares së femrave. Ai ka qenë dhe mbetet një nga figurat më të spikatura të futbollit në Shkodër dhe më gjërë.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
