Më datë 06.03.2025, ka kallëzuar shtetasi L. P., 46 vjeç, se ditën e djeshme, është informuar se më datë 01.03.2025, është larguar nga spitali psikiatrik i Shkodrës, ku po merrte mjekim, motra e tij, shtetasja M. P., 55 vjeçe. Punohet për gjetjen e kësaj shtetaseje.
Specialistët për Hetimin e Krimeve të Komisariatit të Policisë Pukë arrestuan shtetasin K. G., 62 vjeç, banues në fshatin Lumardhë, pasi dyshohet se ka djegur një sipërfaqe pylli në fshatin Lumadhë.
Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi në gjendje të lirë për shtetasit:
-Gj. Sh., 50 vjeç, banues në Shkodër, pasi dyshohet se për motive të dobëta, ka kanosur një 20-vjeçar;
-F. A., 40 vjeç, D. T., 53 vjeç, Gj. M. dhe L. C., pasi janë kapur duke kryer punime ndërtimi, pa leje.
Specialistët për Hetimin e Krimeve të Komisariatit të Policisë Malësi e Madhe referuan materialet në Prokurori, ku nisi procedimi në gjendje të lirë për shtetasin L. K., 51 vjeç, pasi nga kontrollet dhe verifikimet e kryera në bashkëpunim me shërbimet e OShEE-së, u konstatua lidhje e paligjshme e energjisë elektrike, në një magazinë në pronësi të tij.
Specialistët për Hetimin e Krimeve të Komisariatit të Policisë Vau i Dejës referuan materialet në Prokurori, ku filloi procedimi në gjendje të lirë për shtetasit K. B., 22 vjeç, dhe E. B., 31 vjeç, të dy banues në Laç, pasi dyshohet se për motive të dobëta, kanë goditur me grushte, një 30-vjeçar.
