Pas 8 vitesh ka ardhur ndryshimi i Drejtorit Rajonal të Arsimit Parashkollor në veri. Bardhok Pulaj do të largohet nga kjo detyrë dhe këtë lajm e ka bërë të ditur vetë ai nëpërmjet rrjetit social Facebook, por nuk ka folur për pasuesin e tij në këtë detyrë.
Në fjalën e tij falenderuese, Pulaj është kujdesur të falenderojë të gjithë bashkëpunëtorët e tij, krerët e njësive vendore dhe ata që i besuan këtë detyrë prej 8 vitesh.
Në asnjë moment nuk ka permendur arsyet e largimit, zëvendësuesin e tij apo funksionet e tij të reja. Ai ka qënë i bindur se puna e tij ishte kryer me pasion, dëshirë për të sherbyer dhe devocion edhe pse jo gjithccka ka qënë siç duhet, shkruan Pulaj në fjalën e tijë.
Burime të ndryshme bëjnë të ditur se pasuesi i Bardhok Pulaj në kreu të DRAP do të jetë sërish një lezhjan, i cili ka qënë deri më tani në funksione drejtuese të arsimit në këtë qark. /LezhaPress/
