Një lajm i trishtë është mësuar para pak minutave. Jeton Kraja, punonjësi 45 vjeçar i Universitetit “Luigj Gurakuqi”, ka ndërruar jetë. Lajmin e ka dhënë rektorja e “Luigj Gurakuqi” Suzana Golemi përmes një publikimi në rrjetet sociale.
“Të nderuar kolegë e miq,
Me hidhërim të thellë mësuam lajmin e ndarjes nga jeta të kolegut e mikut tonë z. Jeton Kraja. I shprehim ngushëllimet më të thella familjes dhe të gjithë të afermve për këtë humbje të parakohshme.
Qoftë i përjetshëm kujtimi i tij!
Rektori
Prof.dr.Suzana Golemi”, shkruhet në njoftimin e dhënë në rrjetet sociale.
Mësohet se 45 vjeçari Kraja vuante nga një sëmundje e rëdnë, betejën me të cilën nuk ka mundur ta fitojë. ShkodraWeb i shpreh ngushëllime familjes, të afërmëve, miqve dhe kolegëve të të ndjerit.
