LAJM I MIRË/ Vllaznia e basketbollit do të qëndrojë në Superligë, “mrekullia” po ndodh falë shumë personave…

E pamundura është bërë e mundur. Vllaznia e basketbollit të meshkujve nuk ka rënë nga Superliga. Ajo do të luajë tashmë në play-out megjithatë tashmë shpëtimi është thuajse i sigurtë.

Ky ka qenë verdikti i ndeshjeve të javës së fundit të kampionatit, kur Kamza është mundur nga Goga Basket, ndërsa Vllaznia ka arritur të fitojë me rezultatin 89-86 ndaj Partizanit.

Në ndeshjen e luajtur në “Asllan Rusi”, kuqeblutë kanë udhëhequr ndeshjen nga fillimi e deri në fund. Ata kanë fituar periodën e parë me rezultatin 28-16 ndërsa më pas, të kuqtë kanë ngushtuar shifrat dhe perioda e dytë mbyllet në shifrat 46-48 po në favor të Vllaznisë.

Ndërkohë në të tretën dhe të katërtën është e njëjta situatë dhe në fund Vllaznia gëzon duke fituar me rezultatin 89-86.

Nga ana tjetër, Kamza ka humbur me rezultatin 93-104 ndaj Goga Basket dhe kësisoj ajo mbetet në vendin e fundit të renditjes duke rënë nga Superliga ndërkohë që Vllaznia do të luajë në play- out megjithatë tashmë thuajse shpëtimi është i sigurtë.

Padyshim që një meritë kanë të gjithë për këtë gjë, mbi të gjitha presidenti Alban Xhaferi i cili bëri të pamundur që ky ekip të mos degradonte, pavarësisht se shumë prej zgjedhjeve në aspektin teknik i ka bërë të gabuara, por kjo jo për fajin e tij.

Por nëse Vllaznia ka shpëtuar, kuptohet që meritë kanë edhe të tjerë personazhe të njohura. Nga sa bëhet e ditur, pranë ekipit gjatë gjithë këtyre ditëve ka qenë edhe ish- presidenti Sokol Dibra, ish- trajneri Bledar Gjeçaj, e po ashtu edhe Astrit Zaganjori dhe të tjerë njerëz të këtij sporti.

Ata kanë mbështetur trajnerin Plantak dhe lojtarët, u kanë dhënë besim se mund t’ia dalin dhe prandaj skuadra mori këto rezultate në dy ndeshjet e fundit.

Ky është shembulli më i mirë sesi kur bëhen bashkë të gjithë, ia dalin. E rëndësishme është që Vllaznia shpëtoi dhe tashmë po të gjithë sëbashku të punojnë për të na rikthyer sërish Vllazninë e pak viteve më parë kur dominonte në basketbollin shqiptar duke fituar tre herë rradhazi titullin kampion. /ShkodraSport/

Loading...