Një histori me fund të këndshëm. Kështu mund të konsiderohet ajo e ish- gazetarit të TV Klan. Lazion Cini, 30-vjeçari i humbur prej gati një jave nga Tirana ka mundur te lidhet me familjen. Këta të fundit njoftuan gjetjen e të riut, i cili prej disa kohësh kishte probleme depresioni. Ata i thanë emisionit “Pa gjurmë” se tashmë Lazioni ndodhet me ta dhe se kishte përfunduar në spital pas një aksidenti.
Bluzat e bardha sapo lajmi u bë publik në emisionin “Pa gjurmë’, mbrëmjen e djeshme, reaguan menjëherë duke bërë të mundur identifikimin e të riut, i cili ndodhej i shtruar në spital, që nga dita që 30-vjecari kishte humbur kontaktet. Lazion Cini prej një viti kurohej nga depresioni.
Ai kishte afro 4 vite që ai ishte shkëputur nga mediat, ndërsa së fundmi punonte në një call center. Ish-gazetari i Tv Klan ka punuar në vitin 2010 në këtë televizion si gazetar i lajmeve sociale.
