Në një takim elektoral të zhvilluar në kuadër të fushatës, drejtuesi politik i PS- së për Qarkun e Shkodrës Ilir Beqaj, ka folur edhe për “modelin që qeveris Shkodrën” prej 30 vitesh, duke shorehur rezerva për Bashkinë e Shkodrës. Ndërkohë, nuk ka munguar reagimi, i cili ka ardhur përmes një publikimi në faqen zyrtare në Facebook nga kryebashkiakja Voltana Ademi.
Në fakt, nuk është një përgjigje direkt për Beqajn nga Qytetarja e Parë e Shkodrës, pasi është më shumë në formën e një informacioni “për ata që nuk e dijnë”, siç shprehet vetë Ademi në publikimin e saj. Ajo në pak rreshta, tregon mënyrën e funskionimit të bashkisë që drejton në raport me qytetarët, institucionet e tjera, duke informuar njëkohësisht edhe për vlerësimet që institucioni i drejtuar nga Ademi, ka marrë.
PUBLIKIMI I VOLTANA ADEMIT NË FACEBOOK
Bashkia Shkodër vlerësohet në krye për qeverisjen e mirë, për transparencën dhe menaxhimin financiar, për zbatimin e së drejtës për informim, konsultimin publik e llogaridhënien, për angazhimin dhe premtimet e mbajtura, për shërbimet dhe investimet vendore në çdo fshat e në çdo lgje. Ky është modeli i qeverisjes tonë vendore.
Vetëm Bashkia Shkodër është vlerësuar këtë vit, Bashkia me “Transparencë të lartë” sipas raportit të monitorimit për të gjitha bashkitë qendër Qarku, “TRANSPARENCA DHE LLOGARIDHËNIA NË NIVELIN E QEVERISJES VENDORE”, IDM-2021.
Për ata që nuk e dijnē:
Ne vitin 2019 Bashkia Shkodër renditej e para ndër 61 Bashkitë e vendit, me nivel transparence proaktive sipas raportit të monitorimit “Pushteti Vendor nën Lenten e të Drejtës për Informim” përgatitur nga BIRN Albania.
Në raportin e Qendrës Res Publica “E drejta e Informimit 2019” Bashkia e Shkodrës renditet e para ndër të gjitha bashkitë me një nivel të lartë të pikëve.(Publeaks, 2019).
Në vitin 2018 nga Qendra për Çështjet e Informimit Publik, INFOÇIP (2018), vlerësohet Programi i Transparencës i Bashkisë Shkodër si programi më i mirë në Shqipëri për vitin 2018.
Nē vitin 2017 Bashkia e Shkodrës, është vlerësuar me çmimin “Bashkia më transparente 2017” në konkursin për transparencen me të gjitha bashkitë e vendit.
Askush nuk do të jetë në gjendje të pengojë ndryshimin që po ndihet në të gjithë Shqipërinë! Shqipëria duhet të ndryshojë.
