Kryeministri Edi Rama u ndal sot në Bubq në kuadër të procesit të rindërtimit, ku banorëve u janë dorëzuar shtëpitë e reja të banimit.
Kreu i qeverisë nuk i kurseu edhe njëherë “thumbat” për Bashën, duke u thënë banorëve se kushdo që do të mos ketë probleme me bravat mjafton të bëhet socialist.
“Vetëm duke pasur parasysh zhvillimet e kohës së fundit. Kujdes bravat! Ruajuni nga ndërrimi I bravave, nga bllokimi i bravave, nga çelësat anglez quhet në gjuhën teknike, por ka edhe një term në gjuhën shqipe por s’jam duke e thënë, çelës si ai që të ngelet në derë, kujdes nga këto. Nuk janë pjesa jonë, e di që këtu në Bubq ka shumë demokrat.
Ju uroj shumë shëndet! Ky nuk është një program për socialistët, ky është një program për shqiptarët. Për mua shqiptarët janë njësoj kur është fjala për t’u gjetur pranë në një moment fatkeqësie, për t’u dhënë të gjitha shërbimet.
Njësoj si demokratët dhe socialistët marrin sot shtëpinë që u takon. Për sa na takon të gjitha bravat janë të sigurta, si për socialistët, si për demokratët. Kjo sëmundja që i ka zënë demokratët me bravat nuk është çështje e qeverisë as e socialistëve.
Kush do që të mos ketë probleme me bravat mjafton të bëhet socialist edhe është në rregull. Por ne prapë do qëndrojmë pranë dhe jam i bindur që komshijtë socialist do ndihmojnë zhbllokimin e bravave të komshijve demokratë”, tha Rama.
