Një ditë pasi kryeministri Edi Rama rrëfeu për nënën e tij, ndërsa tërhoqi çmimin “Nderi i Stomatologjisë Shqiptare”, dhënë nga Urdhri i Stomatologut për Aneta Ramën, një tjetër reagim vjen nga kampi opozitar. Nënkryetari i PD-së Edi Paloka në një status në “Facebook” thotë se për hir të karriges, Rama është gati të përdorë edhe familjen duke sajuar situata të paqena. Paloka kujton edhe përlotjen e kryeministrit në emisionin “Studio e Hapur” në News24, ku tregoi se si i kishte përjetuar akuzat ndaj tij, djali i tij Gregu.
“I turpshëm në çdo akt që ndërmerr…Kur nuk bën dot “të fortin” dhe arrogantin, luan rolin e viktimës që të ngjallë mëshirën e të tjerëve. Për hir të karriges është gati të përdorë dhe familjen madje dhe duke sajuar situata të paqena siç bëri në emisionin e Eni Vasilit apo dje në Vlorë”, shkruan Paloka.
