Një shtetas 34- vjeçar nga Shkodra ka rënë në prangat e policisë pasi ka kundërshtuar uniformat blu. Lajmi është bërë i ditur përmes komunikatës së Policisë së Shkodrës. Më poshtë komunikata e Drejtorisë së Policisë Shkodër.
“Nga strukturat e Drejtorisë Vendore të Policisë Shkodër u arrestua në flagrancë shtetasi:
Ervis Paçrami, 34 vjeç, banues në lagjen “10 Korriku” Shkodër.
Arrestimi i tij u bë pasi në vendin e quajtur Parrucë, lagje Qemal Stafa, Shkodër, për shkak të detyrës, ka kundërshtuar me dhunë punonjësit e policisë së rendit.
Shoqërimi i shtetasit të lartëpërmendur është konform ligjit pasi ka goditur dhe kundërshtuar punonjësin e policisë. Materialet i kaluan Prokurorisë pranë Gjykatës së Shkallës Parë Shkodër për veprën penale të “Kundërshtimi i punonjësit të policisë së rendit publik” parashikuar nga neni 236/2 i Kodit Penal.”.
