Një ngjarje shumë e rëndë, në kufijtë e të pabesueshmes ka ndodhur në Berat. Nëna e tre fëmijëve, i ka dhënë fund jetës por më herët ka telefonuar në numrin 129 duke thënë vetëm pak fjalë. “Kujdesuni për fëmijët e mijë…”, ka shqiptuar nëna 41 vjeçare, e cila pak minuta pas kësaj telefonate rrenqethëse, i ka dhënë fund jetës. Lajmi bëhet i ditur nga burime të uniformave blu, të cilat japin edhe detajet.
Merita Filaj, nënë e tre fëmijëve, 41 vjeçe, ka telefonuar policinë në numrin 129 duke i thënë: “Kujdesuni për fëmijët e mi” dhe më pas ka varur veten. Ngjarja ka ndodhur në fshatin Molisht të Beratit ku nëna është gjetur e varur në një kasolle. 15 minuta para se të bënte aktin fatal, 41-vjeçarja i ka kërkuar përmes telefonit policëve që të kujdesen për fëmijët e saj.
Motivet dhe rrethanat e ngjarjes së rëndë janë ende të pazbardhura. Pritet njoftimi zyrtar i policisë.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
