Kryetari i zgjedhur i Bashkisë Shkodër Benet Beci, takime në Theth, prioritet energjia elektrike dhe evadimi i mbetjeve…

Shkruan në Facebook Benet Beci, kryetar i zgjedhur i Bashkisë Shkodër: Sot në Theth. Problemet e furnizimit me energji elektrike i kemi diskutuar në terren me përfaqësues të Hec-it Ndërlysaj, që realizon furnizimin me energji elektrike në zonë dhe të OSHEE-së.

Palët u angazhuan të finalizojnë brenda këtij muaji investime konkrete dhe mirëmbajtje, që do t’u japin zgjidhjet e duhura banorëve, bizneseve dhe turistëve të shumtë në zonë.

Mbetjet janë një tjetër problem. Zgjidhja duhet ofruar nga secili, ndaj pronarët e bujtinave do të bashkëpunojnë me njëri-tjetrin dhe operatorin që i grumbullojnë e heqin ato.

Një përfaqësi e bizneseve aty po ngrihet që të dakordësojnë nxjerrjen e mbetjeve në orare fikse e t’i respektojnë ato, ndërsa operatori tashmë po e bën grumbullimin e heqjen e tyre jo më një, por dy herë në javë.