Kryetari i “30 qershorit” hap derën e bashkisë me trapon dhe shkelma, e denoncon kryetarja në detyrë…

Vetëm një ditë pas konstituimit të këshillit bashkiak të Përrenjasit dhe betimit të kryebashkiakut të ri të dalë nga votimet e 30 qershorit Nuri Belba i PS, kryebashkiakja në detyrë e kësaj bashkie, Miranda Rira, ka bërë një denoncim të fortë për situatën e krijuar atje.

Kryebashkiakja në detyrë Rira shkruan në “Facebook” se janë d.hunuar dhe shkelmuar dyert e Bashkisë së Përrenjasit nga pseudo-kryetari i dalë nga 30 qershori dhe disa persona të tjerë të paautorizuar. Sipas saj, ata kanë shkuar te bashkua pas orarit zyrtar dhe kanë hapur me trapan e shkelma dyert e bashkisë.

Ja denoncimi i Rirës:

D.hunohen dhe shkelmohen dyert e institucionit te bashkise Prrenjas! Pseudo-Kryetari i dale nga votimet farse te 30 Qershorit, me disa persona te tjere te paautorizuar kane shkuar ne ambjentet e bashkise pas orarit zyrtar dhe kane hapur me trapan e shkelma dyert e bashkise!

Nen ndikimin e alkolit dhe duhmen e rakise, pas drekimit per 6 ore ne nje nga restorantet e zones, Kryetari mësyu ne bashki, duke dhene edhe intervisten e tij te pare çoroditese????

Kryetar po te kujtoj se duke shqyer dyert e bashkise, ke dhunuar institucionet e shtetit! Kur hyra ne ate godine 4 vjet me pare, as shkelmova dyert dhe as theva xhamat! As une dhe asnje nga ish – kryetaret e meparshem nuk kane zbarkuar ne ate zyre ne ate menyre si Ali Baba dhe 40 hajdutet! Ne fund keni treguar se kjo eshte pasqyra juaj dhe sjellja e Rilindjes: dhuno, uzurpo, grabit e plaçkit!!

Ajo godine nuk eshte prona ime por e publikut, e njerezve! Te gjithe ata qe kane dhunuar dhe shkaterruar pronen publike, do te ndiqen edhe penalisht!