Nuk e di cila është arsyeja teknike apo shkaku i arsyeshëm, por nga faqja ime sonte është fshirë një status i mbështetur mbi një lajm të tv1chanel në lidhje me ngjarjen e sotme në shkollën Shtoj i Ri.
E theksoj se asgjë dhe askush nuk mund ta fshehë faktin dhe të vërtetën. Vazhdoj të mbroj të njejtin mendim që shkaktarët kryesor të kësaj katastrofe të tmerrshme në arsim janë drejtuesit e piramidës së Ministrisë së Arsimit dhe në rastin konkret Drejtoria Arsimore Rajonale Shkoder. Para 8 ditësh me një tjetër status ju paralajmëruam për gjendjen kritike në të cilen ndodhej shkolla në fjalë, por asnjë reagim dhe zgjidhje situate duke e degraduar situaten deri në gjendjen e sotme.
Me këtë rast kerkojmë nga gjithë institucionet ligjzbatuese, Organizmat nderkombëtarë që operojnë në Shqipëri dhe përfaqsuesit diplomatik që të monitorojnë situaten alarmante në të cilen ka përfunduar arsimi në rajonin e Shkodres.
Njëherit i kerkojmë partnerëve tanë në Bruxell, përkatësisht ETUCE – CSEE që të ngrejë alarmin për shkeljen permanente të personalitetit , dinjitetit dhe sigurisë profesionale dhe fizike të punonjësve të arsimit nga drejtuesit e arsimit në Shqipëri. /Nga Arian PERAJ, kryetar i SPASH Shkodër/
