Kryetari i Partisë Socialiste, Edi Rama, ka inspektuar mbrëmjen e sotme segmentin më të ri të përfunduar të Rrugës së Arbrit, që lidh Maqellarën me qendrën e qytetit të Peshkopisë. Ai pati edhe një mesazh për Dibranët, të cilëve u tha se tashmë rruga është bërë deri në qendër të qytetit.
‘Tani unë kam këtë mesazh për Dibrën dhe e kam për dibranët e Peshkopisë se aty është ajo sofra hudh e prit, fiksimi ishte me e pru rrugën e Arbrit deri në qendër të Peshkopisë se nuk duroja do të më jo do vij jo s’do vijë, jo erdhi jo s’erdhi. U krye deri në qendër të Peshkopisë’, tha Rama.
Në fund të inspektimit Rama i është bashkuar grupit të daulltarëve, ku së bashku me ta i ka rënë daulles, ku më pas u bashkua edhe këngëtari Noizy. Kryetari i Partisë Socialiste, Edi Rama vijoi sot takimet elektorale në qarkun e Dibrës, fushata përmbyllëse për zgjedhjet e 11 majit në këtë qark.
