Kryeministri i Malit të Zi, Dritan Abazoviç i është drejtuar policisë që të hetojnë kërcënimet që ka marrë pas arrestimit të djalit të Zoran Lazoviçit, Petar. Ai tha se grupet e afërta me këta të fundit po e godasin kryeministrin si fajtorin kryesor. për arrestimin dhe po planifikojnë një lloj hakmarrjeje.
“Zyrtari i arrestuar i ANB-së Petar Lazoviç ka problem me ligjin. Kjo, shpresoj, është e qartë për të gjithë ata që duan që unë të ngulmoj me kolegët e mi në misionin e krijimit të një shteti ligjor, nga i cili nuk do të heq dorë as edhe një milimetër, pavarësisht kërcënimeve, toneve ekstremiste, gjuhës së urrejtjes”, tha Abazoviç.
“Por nuk ka asnjë skenar në të cilin “dora e drejtësisë” do të ndalet. Përkundrazi, përpjekjet për sabotim, tonet ekstremiste, gjuha e urrejtjes apo kërcënimet janë të kota. E di që kjo shkakton zhgënjim për shumë njerëz, por ne kemi treguar se Mali i Zi po ecën në rrugën e lirisë dhe nuk ka vend për kartelet e drogës, kontrabandistët e cigareve apo elitën e korruptuar”, thotë ai më tej.
Ai u shpreh se nuk ka “asnjë arsye për të mos u besuar njerëzve” që e kanë informuar për këtë. “Në mesin e tyre janë edhe kolegë të mi – politikanë, njerëz nga sektori i sigurisë, nga mediat, por sigurisht që dua të konfirmohet zyrtarisht”, deklaroi Abazoviç.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
