Gjatë një interviste për Zërin e Amerikës, kryetarja e LSI, Monika Kryemadhi ka komentuar çështjen për zgjidhjen e kryeprokurorit të ri. Kryemadhi tha se çështjet e drejtësisë duhet të zgjidhen në Kuvend dhe jo në tryeza politike siç thotë mazhoranca. Sipas Kryemadhit kryeprokurori nuk mund të zgjidhet me shumicë të thjeshtë, pasi kjo nuk përcaktohet në Kushtetutë.
“Ekziston vullneti poltik për të zgjidhur këtë cështje, por cështjet e drejtësisë nuk zgjidhen në tryeza, por në parlament. Situata sot në sistemin e drejtësisë është alarmante. Ne na kanë kaluar të gjitha afatet, duhet të ishte zgjedhur KLP, KLGJ. Duhet të vendosim një standard dhe jo dy standarde. Ne nuk e kemi të shkruar në Kushtetutë që kryeprokurori të zgjidhet me shumicë të thjeshtë. Ne duhet t’i mësojmë shqitparët vetëm një standard dhe jo dy standarde”- tha Kryemadhi.
Ndër të tjera kryetarja e LSI u shpreh se Rama ka kërcënuar SHBA dhe BE, pasi ka thënë se nëse SHBA dhe BE nuk mbështet integrimin e Shqipërisë ka edhe opsionet të tjera siç është orientimi nga Kina dhe Rusia.
“Rama kërcënoi hapur SHBA dhe BE kur tha se ne kemi edhe opsione të tjera siç janë Kina dhe Rusia” – tha Kryemadhi.
