Ditën e sotme opozita nisi ashtu siç kishte paralajmëruar mosbindjen civile. Në disa rrugë kryesore qytetarë dhe përfaqësues të Partisë Demokratike, Lëvizjes Socialiste për Integrim dhe partive e tjera të opozitës bllokuan qarkullimin në shenjë proteste për të kundërshtuar taksën e vendosur nga qeveria dhe për lirimin e 11 të arrestuarve të cilët protestuan në Kalimash.
Kryetarja e Lëvizjes Socialiste për Integrim Monika Kryemadhi tha nga studio e “Të paekspozuarit” se opozitën e ka detyruar populli të ndërmarrë këtë rrugë.
Në të gjithë këtë histori, pavarësisht retorikës sonë politike dhe amendamenteve në Parlament, reagimi nga pala tjetër ka qenë inegzistent dhe arroganca tepër e madhe.
Reagimi ynë ka qenë i vonë. Nëse një shtëpi braktiset, normal që kalimtarët do ta grabisin dhe bëjnë copë. Edhe me rrugët. Ne kemi lënë spitalet, rrugët etj.
Sot çdo makinë shqiptare paguan 8 mijë lek në vit për qarkullim. 400 milionë euro nga 2002 deri në 2018 i janë marrë popullit. Këto para janë marrë nga buxheti i shtetit.
Pse Edi Rama duhet ta lërë?
Sepse ka dështuar, ka dështuar në arsim, tek shëndetësia falas. Unë nuk mund të quaj sukses mos riprodhimin e fëmijëve tanë. Se nëse ti do të fusësh eduaktën seksuale në shkollat shqiptare nga persona jo të fushës kjo çfarë është.
Ka dështuar në sigurinë dhe rendin, në luftën kundër drogës, në rritjen ekonomike. Ka pasur sukses vetëm në një pikë, në kanabizimin e vendit. Ky duhet të iki vetë. Populli i Kukësit i dha një mësim të mirë opozitës në radhë të parë dhe pastaj një njeriu që sjellja e tij e ka kthyer popullin… Unë do ndjek popullin. Fjala politike mbaroi.
