Ne ndeshjet e fundit nuk ka kaluar momente te mira dhe si rrjedhoje ka marre edhe jo pak kritika. Liridon Latifi megjithate ka vijuar te punoje fort duke kerkuar te rikthehet ne formen e tij me te mire. Kualifikimi ne finalen e Kupes se Shqiperise sigurisht qe do ta ndihmoje ate dhe gjithe skuadren e Vllaznise te marre fryme me lirshem.
Ne nje interviste te dhene per “Panorama Sport” sulmuesi anesor eshte shprehur se kriza e tij tashme ka kaluar dhe po ashtu se Vllaznia do te dale me trofe nga ky sezon.
“E nisem jo mire ndeshjen me Partizanin por me kalimin e minutave ishim ne qe zoteruam gjithçka ne fushe. Besoj se arritem t’i menaxhojme mire emocionet dhe ne 120 minuta dhame me te miren ne fushe dhe perjetuam emocione te bukura gjate gjuajtjes se penalltive. Te tilla emocione jane gjithmone ne perballje te tilla.
Ne momentin e gjuajtjes se penalltise se fundit qe do na jepte edhe fitoren, te them te drejten nuk u mendova gjate, por shkova me besimin ne vetvete dhe doja te korigjoja gabimin e bere ne ndeshjen me Tiranen per kampionat. Ai 11-metersh i humbur ka qene nje zhgenjim i madh jo vetem per mua por per gjithe ekipin.
Shenova dhe jam i lumtur qe kualifikova Vllaznine ne finale. Ne duhet ta mbyllim tashme sezonin me trofe. E dua kete kupe me Vllaznine. Perballe do kemi Laçin, nje skuader qe ka treguar se eshte eksperte e Kupes, por une besoj shume qe edhe kete edicion do jete Vllaznia fituese e ketij trofeu.
Tifozet e Vllaznise presin shume prej meje dhe i kuptoj plotesisht ata. Megjithate edhe tifozet duhet ta kuptojne qe çdo lojtar ka krizat e veta dhe duhet te me kuptojne edhe mua. Besoj se tashme gjithçka ka kaluar. Jemi te fokusuar tek sfida e rradhes, ajo ndaj Teutes ku do te shkojme vetem per fitore. Do synojme deri ne fund qe ta arrijme Europen edhe permes kampionatit dhe besoj se do ia dalim”- eshte shprehur Latifi.