Partia Socialiste do të festojë fitoren e zgjedhjeve të 11 majit të hënën e 26 majit.
Pak orë pasi KQZ ka certifikuar rezultatin elektoral të 12 qarqeve në vend, teksa Partia Demokratike i ka kontestuar me pretendime për manipulime por deri tani pa prova konkrete, selia rozë ka zgjedhur të festojë fitoren e thellë me 83 mandate deputetësh.
Mësohet se kryesocialisti Edi Rama, njëkohësisht edhe kryeministër, do të mbledhë të gjithë skuadrën e 11 majit në Pallatin e Brigadave.
Festa do mbahet në orën 18:00 të mbrëmjes dhe të ftuar mësohet se janë të gjithë kandidatët fitues dhe ata jofitues në zgjedhjet e 11 majit.
