Sot Kuvendi i Kosovës do të mblidhet për të votuar marrëveshjen e demarkacionit me Malin e Zi, e cila u shty dje. Shumica dhe LDK janë shprehur se do të votojnë pro, por Vetëvendosje është kundër.
E ndërsa pritej që të mblidhej seanca, një numër i vogël qytetarësh janë mbledhur para Kuvendit duke kërkuar votimin e marrëveshjes.
Njëri nga protestuesit është arrestuar, pasi ka qëlluar me vezë kryetarin e Vetëvendosjes Albin Kurtin. Ndërsa një tjetër mbante në duar një pankartë “Kosova në BE, jo në Korenë e Veriut”. Marrëveshja nëse do të miratohet do të i hapë rrugë liberalizimit të vizave me BE.
