Kosova gjen fitoren pas 1 viti e gjysme, mund Letonine ne miqesoren e Mitrovices

Kosova ka gjetur fitoren, edhe pse në një ndeshje miqësore, pas plot 1 viti e gjysmë. Ndeshja me Letoninë, përfundoi me shifrat 4-3, dhe vetëm në sekondat e fundit të ndeshjes, Kosova kaloi për herë të parë në avantazh gjatë ndeshjes, gol nga Halimi që i dha edhe fitoren. Pjesa e parë u mbyll në një barazim 2-2 emocione, dhe me 4 gola në total. Në të dytën, miqtë kaluan përsëri në avantazh, por teksa loja po shkonte drejt fundit, ishte një gol i Rashanit, dhe rrjeta në sekondat e fundit e Halimit, që i dhanë fitoren Kosovës.

Fitorja e fundit datonte në 3 qershor 2016, në një miqësore me Ishujt Faroe, ndeshje e cila u mbyll me rezultatin 2-0. Kjo ishte fitorja e parë edhe për trajnerin e përkohshëm të Kosovës, Muharrem Ahmeti. Federata Kosovare po punon për të gjetur emrin e ri të stolit.