Kontrolle të befasishme në qelitë e burgut të Reçit, ja çfarë gjetën grupet operacionale të Drejtorisë së Përgjithshme…

Drejtoria e Përgjithshme e Burgjeve me tetë grupe të forcave të saj operacionale, ka kryer kontrolle të befasishme në IEVP Rrogozhinë dhe Reç përgjatë fashës orare 17-20.55 të ditës së diel.

Në IEVP Reç është gjetur një pajisje komunikimi Android e modifikuar në një kuti kartoni, e cila e lidhur me televizorin mund të realizojë ndërveprim në rrjetet sociale.


Po ashtu gjatë kontrollit u gjetën edhe një thikë e improvizuar, një radio dore e modifikuar me dalje USB dhe Antenë etj. Materialet u janë kaluar ekspertëve të SHKB-së së burgjeve.

Ndërkohë në IEVP Rrogozhinë janë kontrolluar 8 dhoma ku janë konstatuar pajisje elektronike si televizorë, aparatura digitalbi, të cilat i kishin të cënuar elementët e sigurisë “vulat”. Një orë dore e gjetur nga grupet e kontrollit, dyshohet se përdorej si pajisje komunikimi.