Demokrat dhe demokrate qendrestare,
Jua kam borxh një sqarim publik dhe pse besoj që është e kuptueshme mungesa e emrit tim në listën e qarkut Shkodër.
Kur Prof. DR. Sali Berisha u gjend në ditën më të vështirë të jetës së tij, unë isha aty në rreshtin e parë, kur të gjithë e braktisën.
Unë Mimoza Rexhvelaj, një demokrate e thjeshtë, guxova të dal e para në krahun e tij dhe pa e menduar dy herë bëra Rithemelimi PD Malësi e Madhe.
Kilometrat e para i bëra vetem, nën presionin dhe sulmet e njerëzve të Bashës dhe qeverisë, që më quanin “Nongrata të nongratës” por që sot janë listuar në listën tonë, janë po ato njerëz që gjuajtën gaz mbi demokratët, ata që bënë pakte për humbjen e zgjedhjeve lokale, ata që shitën dhe blen kauzat tona dhe kartonin e ngritën për qeverinë dhe bashkinë, bënë biznes mbi mundin e malësorëve.
Nuk kam bërë kurrë kompromis me parimet e mia, as me bindjet e mia, as me krenarin time.
As sot nuk do e bëj, ajo që më ka mbajtë në këmbë ka qënë forca e shpirti tim që u lidh me një amanet nga im at, besimi tek zoti, tek familja, tek atdheu, tek vleratë dhe vazhdova rrugëtimin tim duke besuar tek e vërteta, tek e drejta.
Nuk jam aspak pishman!
Unë jam krenare sepse kurrë në jetën time nuk kam pre njeri në besë, por më kanë prer…
Unë jam krenare që kam dhënë kontribut në të gjitha kauzat e drejta të opozitës dhe këtë nuk e kam bërë për lista as qoka “mikesh” por për kauza jetike dhe njerëz që shkruajnë histori.
Unë jam krenare për gjithë rrugëtimin tim politikë dhe pse kontributi im, i familjes time, nuk u vlerësua ASNJËHERË nga PD dhe drejtuesit e saj, por kjo nuk më bënë mua demokrate pa vizion, as njeri që i mungon ndonjë gjë në formim, as njeri që ka frikë të përballet me lista të hapura, por mungesa ime dhe fshirja e emrit tim, është gjykuar nga Kryesia e PD dhe drejtuesi i qarkut, që unë të mos jem, arsyet nuk i di…
E pranoj, që kohës dhe Shkodrës i duhet një model më i mirë se unë, ndaj pa asnjë hatërmbetje dhe pa pikë mllefi jua hap rrugën dhe ju uroj shumë suksese, fitore dhe vetëm fitore.
Faleminderit gjithë atyre që besuan tek unë dhe ishin gati të benim betejën e radhës, më vjen keq, do të kemi raste të tjera
!Mirënjohëse! /Nga Mimoza REXHVELAJ, publikuar në Facebook me titullin origjinal “KUSH E HARRON HISTORINË RREZIKON QË AJO T’I PËRSËRITET!”/
