Pas humbjes pak ditë më parë kundër Bosnjës, Shqipëria U-21 është kthyer te fitoret pasi ka mundur sot me rezultatin 3-2 në “Elbasan Arena” bashkëmoshatarët e tyre të Bjellorusisë.
Ndeshja nisi më mirë për skuadrën mike, duke kaluar në avantazh me Fjadosau në minutën e 30-t. Pjesa e parë do të mbyllej në barazim pasi Shefiti do të barazonte në minutën e dytë shtesë.
Në fraksionin e dytë të lojës kuqezinjtë do të tregoheshin më të saktë, duke realizuar edhe dy herë të tjera me Shefitin përsëri dhe Sahitin më pas.
Pak para fundit Bjellorusia do të ngushtonte diferencat, por pa arritur t’i heq Shqipërisë fitoren nga duart. Theksojmë se në këtë sfidë Bushi zgjodhi të provonte shumë lojtarë të rinj. Ndërkohë një tjetër takim miqësor do të luhet ndërmjet Shqipërisë U-21 dhe Bjellorusisë U-21 3 ditë më vonë.
Formacioni titullar: Kastrati, Nuriu, Toli, Tafa, Bushaj, Krymi, Spahiu, Shabani, Seferi, Çinari, Shefiti.
U aktivizuan edhe: Cake, Hysenaj, Sahiti. Deliu, Lajthia, Gjoshi