Kohët e fundit, është hapur në Malin e Zi një debat lidhur me historinë tonë kombëtare në librat e shkollës. Nxënësit e etnisë shqiptare, nuk kanë mundësi të mësojnë për historinë e kombit të tyre dhe mësojnë gjëra si ato që mund të shihni në fotot më poshtë.
Në këtë debat, është përfshirë edhe studiuesi dhe historiani Dom Nikë Ukgjini, i cili në komentet e tij në rrjetet sociale, fajëson për këtë çeshtje klasën politike shqiptare, duke dhënë edhe shembuj konkret të neglizhncës së treguar nga ana e tyre. Në një komunikim me ShkodraWeb, Dom Nika shkruan:
Kështu komentova të portali Plava e Gucia, më dt. 11 Qershor 2026, në pyetjen e Sabina Gusinje dhe redaksisë se Portalit, Plava e Gucia sot.
Nuk dua të fyej askënd për mosdije të historisë të kombit shqiptar në Mal të Zi, sepse ose e ka më të dëgjuar ose e ka shumë pak më të lexuar! Kjo vjen si pasojë e politikes së pa përgjegjshme të subjekteve politike të shqiptarëve në Mal të Zi, si në të kaluarën si dhe sot, të cilët shumë pak e aspak merren me problemet e arsimimit të brezave të rij që nga kopshtet e deri të shkolla e mesme. Të paktën nga viti 2007, kur u aprovua kushtetuta e M.Z., bazuar në nen. 79, kanë mundur lirshëm ta fusin në librat shkollore pjesën e 20% qoftë edhe si program i hapur të mësimit të lëndëve identitare, siç është dhe historia. Dy librat , Histori Shqiptare, për shkollën 9 vjeçare dhe gjimnaz për nxënësit shqiptar në M.Z., të botuar në vitin e kaluar, të promovuar më 28 shkurt të këtij viti (2026) në Ulqin, qëndrojnë që 4 muaj në një dhomë të mbyllur, duke pritur që politika e shqiptarëve në M.Z., të mëshirohet e t ‘ia u sjell nxënësve në bankat të tyre shkollore librat, nga do mësonin edhe për rendësin e Lidhjes së Prizrenit. Tek atëherë do mund të kërkojmë fajtor të ata që nuk do dinë historinë e kombit shqiptar.
Shpresojmë dhe urojmë që këto pak rreshta, të cilët marrin shkas nga reagimi i natyrshëm jo vetëm patriotik por edhe atdhetar i Dom Nikë Ukgjinit, të sherbejnë për të hapur një debat, për të ndërgjegjësuar klasën politike shqiptare në Malin e Zi. Jo vetëm duhet të jemi krenarë për historinë tonë kombëtare në shekuj por edhe duhet t’ ua përcjellim brezave, duke nisur nga bankat e shkollës. /ShkodraWeb/
