Haberret e vona të akshamit në Malësin e Madhe po na tregojnë se kryesia e PD-së ka mbajtur një mbledhje të radhës. Ajo që bie në sy është mosnjohja e statutit dhe e hierarkisë politike nga dega e Malësisë së Madhe.
Anëtarja e Këshillit Kombëtar quhet Mimoza Rexhvelaj deri në këtë moment. Askush nga ju që është i ulur në atë tryezë, me merita të dyshimta e pozita të dala nga pazaret, nuk ka fuqinë të më anashkalojë e aq më pak të na fshijë emrin, as kontributin.
Kjo lojë e vogël shfaqet si një turp publik. Ndodh pikërisht kur PD ka mungesë njerëzish, fryme dhe shprese dhe në vend të seriozitetit, prodhoni gjeste që të kujtojnë kapriçot e një grupi që nuk e kupton peshën e situatës.
Shënim: Jam kurioze të di ç’arsyetim i keni servirur të deleguarit kur ka pyetur për mungesën time. Do ishte interesante të dëgjoja versionin tuaj, sepse faktet i dimë të gjithë. /Publikuar në Facebook nga Mimoza REXHVELAJ/
