Kirurgu i mirënjohur shkodran Ardian Dajti do të jetë drejtori i ri i Spitalit Rajonal të Shkodrës. Lajmi është bërë publik ditën e sotme, ndërsa Dajti ka zgjedhur një mënyrë të veçantë dhe origjinale për të nisur punën. Në orën 12.00 ai ka ftuar të gjithë gazetarët për një takim prezantues në zyrën e tij. Në fakt Ardian Dajti është mjaft i njohur edhe për komunitetin e gazetarëve dhe mediave por mesazhi që ai kërkon të përcjellë është i qartë. Sipas gjasave, ai ka vënë në krye të prioriteteve komunikimin e hapur me mediat, e përmes tyre, të realizojë edhe transparencën e komunikimin me qytetarët. Me rastin e nisjes së detyrës së drejtorit të Spitalit Rajonal të Shkodrës, ShkodraWeb i uron suksese doktor Ardian Dajtit.
