Zërat e merkatos për Marash Kumbullën, i vlerësuar 28.5 milionë në marrëveshjen me Veronën në shtator të 2020, qarkullojnë prej ditësh. Dilemat ekzistojnë edhe në mendjet e drejtuesve të Romës.
Djaloshi shqiptar po ngjitet nga java në javë në radhët e Mourinhos dhe kalimi në mbrojtjen me tre lojtarë sigurisht që e ka lehtësuar, duke pasur parasysh edhe brishtësinë e Smalling dhe kalendarin e ngjeshur.
Kumbulla i shërben Romës po aq sa Roma i shërben Kumbullës; plani i rimëkëmbjes është i ndërsjellë. Por, rrugët e tregut, siç dihet, janë mjaft të ngatërruara. Mbrojtësi kuqezi ka interesime të shumta nga Serie A, si Napoli, Torino, Fiorentina dhe Cagliari.
Megjithatë, shqiptari ka shprehur gatishmërinë e tij për të qëndruar te Roma, një veprim që qetëson Mourinhon dhe veçanërisht drejtorin Pinto.
Përndryshe, ata do të detyroheshin të zgjidhnin mes formulave të ndryshme, huazim me të drejtë blerjeje, shkëmbim apo shitje të drejtpërdrejtë. Kumbulla kërkon të tregojë edhe njëherë tjetër veten, por të mos u larguar në mes të sezonit.