Kandidati për deputet i PS- së Paulin Sterkaj, në vazhdim të takimeve lektorale, ka qenë në Dedaj të Shkrelit. Kandidati socialist ka qenë i drejtpërdrejtë dhe shumë i qartë në fjalën e mbajtur para banorëve në vendlindjen e tij.
“Kërkoj votat jo vetem në Dedaj po në të gjithë Shkrelin. Nëse nuk më voton, vendlindja dhe Njësia e Shkrelit, atëherë nuk e kam moralin të kërkoj votat në zonat tjera të Malësisë.
Në të gjithë Malesinë, kemi investuar më shumë se në Shkrel e ju jap fjalën se në mandatin e ri 4 vjeçar, do të punojmë dhe investojmë shumë më tepër në infrastrukturën e Shkrelit, në zgjerimin e rrugës Koplik- Razëm, Ujësjellësin, rrugën e Qafgradës dhe Repishtit dhe asfaltimin e rrugës që lidh fundin e Brinjes me Reçin.
Gjithashtu do të përqendrohemi në nxitjen e mbështetjen e turizmit. Ju bëj thirrje që me 25 Prill të votoni për vazhdimin e projekteve të nisura, votoni Partinë Socialiste, numrin 12 dhe numrin 2 në listën e Qarkut të Shkodrës.”, ka thënë kandidati i PS- së për Qarkun e Shkodrës Paulin Sterkaj.
Ndërsa kryetari i Bashkisë Malësi e Madhe Tonin Marinaj, duke komentuar disa deklarime të kandidatit demokrat Ramadan Likaj, është shprehur se janë deklarime në dëshperim pasi ai në 8 vite si kryetar bashkie, nuk la një gjurmë që të mbahet mend nga banorët e Koplikut.
Ne jemi njerëz të punes në shërbim të komunitetit dhe votuesit me 25 prill do të bajne dallimin duke votuar Partinë Socialiste dhe Paulin Sterkajn, pasi në këtë mënyrë votoni për projekte të tjera për Malësinë dhe përmirësimin e jetës për banorët e saj. Gjatë takimit banorët e Dedajve kanë premtuar masivisht votën e tyre për PS dhe deputetin Paulin Sterkaj.