“Kartolina e Shkodrës – Hyrja Europiane e Shqipërisë”, Benet Beci “zbulon” projektin e tij…

Shkruan në Facebook Benet Beci, kandidat për deputet i Partisë Socialiste për Qarkun Shkodër: Kartolina e Shkodrës – Hyrja Europiane e Shqipërisë:

Shkodra është prezantimi i parë i Europës me Shqipërinë. Hyrja e Shkodrës, në të njëjtën kohë për shkak të vlerave të veçanta natyrore e kulturore, ka qënë një kartolinë e Shqipërisë nëpër foto të vjetra që para më shumë se 100 vitesh.

Si deputet i Shkodrës në Parlament, do bëj çdo përpjekje për të gjetur burimet e duhura të financimit për projektet të cilat mendoj se duhen mbështetur, dhe konkretisht:

– Zgjerimi i rrugës nga Harku i Berdicës deri tek ura e Bahçallekut, përfshirë zgjerimin e ures, për të përmirësuar mobilitetin urban.

– Një park i madh rekreativ dhe historik, i integruar në hyrje të qytetit, që përfshin:

o Rivitalizimin e Kalasë së Shkodrës, për të evidentuar vlerat arkeologjike dhe historike, por edhe promovimin e tregut artizanal dhe eventeve kulturore. Projekti është miratuar në kuadër të kredisë së BERZH, por duhet konsultuar me palët e interesit.

o Një park të madh rekreativ pranë Urës së Bunës, ndër më të bukurit e funksionalët në Shqipëri, dhe një lidhje integrale me bregun tjetër të Bunës e me rrugën për Shirokë.

– Një aks i zhvilluar urban, i pandërprerë nga Bexhisteni nëpër Xhabije e Parrucë, deri në zemër të qytetit, si një bulevard i transformuar, bazuar në modelet më të mira të ngjashme, brenda apo jashtë vendit. Kjo i jep jetë e gjallëri bizneseve, lëvizjes me biçkleta e këmbësorëve. Nga njëra anë, ky bulevard krijon një hyrje dinjitoze deri në qendër të qytetit, e nga ana tjetër shërben si model transformimi për rrugët e tjera të qytetit.