“Kanë ndikuar shumë faktorë”, Gjyrezi analizon Vllazninë: Tifozët e kanë braktisur Vllazninë prej paraqitjeve në…

Pyetja qe me se shumti po shtrohet nga te gjithe ne opinionin sportiv shkodran dhe jo vetem, eshte ajo se “çfare po ndodh me Vllaznine?”. Menaxheri i futbollit Dritan Gjyrezi permes nje analize te bere gjate emisionit “Procesi Sportiv” ku ka qene i ftuar, eshte munduar te shpjegoje edhe arsyet qe e kane çuar skuadren ne kete gjendje.

“Vllaznia është një ekip i cili që në fillim të sezonit është ndërtuar për të dalë kampion. E them këtë sepse trajneri ka patur në dispozicion një buxhet 30 për qind më të madh se sezonin e kaluar. Por edhe këtë herë u vërtetua ajo shprehja se ekipi që shpenzon më shumë, nuk është e sigurtë që del kampion.


Besoj se te Vllaznia kanë ndikuar shumë faktorë, duke filluar nga arbitrimi i cili nga një statistikë e marrë që nga fillimi i sezonit, ajo në 14 ndeshje është ndëshkuar prej tij. Pastaj edhe ndryshimi i trajnerit, shpeshherë mund të marrë për mirë por ndodh që merr edhe për keq, por jemi akoma në fazën e fillimit.

Tjetër faktor mund të jetë edhe njëfarë lodhje e lojtarëve të Vllaznisë sepse të vazhdosh edhe në kupë edhe në kampionat, nuk është aq e lehtë t’i luash me të njëjtën 11-she sepse pakashumë të njëjtat lojtarë kanë mbajtur barrën e skuadrës gjatë gjithë sezonit.

Gjithsesi, unë mendoj se Vllaznia nuk ka dalë nga objektivi i saj në kampionat sepse 5 pikë është diferenca me Kukësin, skuadër me të cilën do të ndeshet në Shkodër. Por ajo që më shqetëson është edhe braktisja e skuadrës nga tifozët e saj.

Po ta shikoje edhe në ndeshjen e fundit ndaj Kastriotit, në tribunën përballë vetëm 200 tifozë kishte dhe është gjë e rrallë që ata ta braktisin Vllazninë. Por mesa duket edhe rezultatet e fundit të skuadrës, kanë bërë që ata të mërziten dhe të mos e mbështesin skuadrën”- eshte shprehur Gjyrezi.