Shoqata e Peshkatareve në Malësi te Madhe ka zhviilluar një takim të mërkurën pasdreke me kandidatin për deputet të PS- së Paulin Sterkaj. Në pergjigje të interesimit të peshkatarëve, kandidati Sterkaj ka premtuar ngritjen e molos për ankorimin e lundrave në Balshaj në bregun e Liqenit të Shkodrës.
Gjithashtu ju ka bërë thirrje që të aplikojne për subvencione nga shteti për rezervuarë për mbjellje rasati peshku dhe të jenë të bashkuar për mbrojtjen e florës dhe faunës në liqenin e Shkodrës. Peshkatarët kanë mirëpritur premtimin e Sterkaj për ta ndarë me Shkodrën zonën e peshkimit aty ku është kufiri, te vija e Vrakës dhe brenda pjesës liqenore nga kufiri me Shkodrën, të gjuajnë vetëm peshkatarët e Malësisë së Madhe.
Ndërsa kryetari i Shoqates së Peshkatarëve Gëzim Lezaj ka kërkuar forcimin e masave kundër gjuetisë së paligjshme të peshkut me gjeneratorë elektrikë dhe lëndë plasëse. Gëzim Hysaj i ka kërkuar deputetit dhe kryetarit të Bashkisë Malësi e Madhe Tonin Marinaj çeljen e rrugës deri në vendin ku do të ndërtohet molo për ankorimin e lundrave të peshkatarëve.
Po ashtu Beke Lazri i ka kërkuar deputetit që një molo si në Balshaj dhe rruga, të mundësohen edhe në Gril pasi distanca ështe e largët për peshkatarët që ti ankorojnë lundrat në Balshaj. Në takim ka folur dhe kryetari i Bashkisë Tonin Marinaj që ka premtuar përmbushjen e gjitha kerkesave të tyre, dhe ju ka bërë thirrje që me 25 prill të votojnë PS- në, numrin 12 dhe numrin 2 në listen e qarkut, kandidatin Paulin Sterkaj, si zgjidhja e duhur për ecjen përpara, shtimin e subvencioneve, mbështetjen e Shoqatës së Peshkatarëve dhe mbrojtjen e florës dhe faunës në Liqenin e Shkodrës.
Peshkatarët kanë falenderuar kandidatin Sterkaj dhe kryetarin e Bashkisë Marinaj dhe kanë premtuar votën e tyre në mbeshtetje të PS- së dhe kandidatin Sterkaj në ditën e votimeve me 25 prill. Pjesëmarrja ka qëne masive dhe bashkëbisedimi tepër i çiltër e konstruktiv.
