Alfred Koçobashi ishte sot një nga 6 emrat që iu paraqitën për votim antarësisë demokrate të Shkodrës për “primaret” për Bashkinë e Shkodrës. Në përfundim të numërimit të votave, ai nuk rezultoi fitues.
Bardh Spahia rezultoi më i votuari nga demokratët, ndërkohë që kandidati Koçobashi është i pari që jo vetëm uron fituesin por e vlerëson atë, duke bërë thirrje për bashkim rreth tij.
PUBLIKIMI I ALFRED KOÇOBASHIT NË FACEBOOK
Të nderuar demokratë shkodranë, ju falenderoj për pjesëmarrjen masive sot dhe ushtrimin shembullor të demokracisë që frymëzoi dhe krenoi të gjithë strukturat e PD-së të reformuara dhe jo vetëm!
Ky ushtrim i drejpërdrejtë përzgjedhës prodhoi sot një kandidat të denjë për Bashkinë e Shkodrës, z.Bardh Spahia, rreth të cilit, duke i bërë urimet e rastit, duhet të bashkohemi dhe ta mbështesim të gjithë pa kushte për të siguruar një fushatë bindëse për fitoren e Bashkisë Shkodër!
Ftoj kandidatët e listës që i dhanë vlerë kësaj gare, ashtu edhe gjithë demokratēt dhe simpatizantet që pa humbur kohë të mblidhemi rreth kandidatit fitues për të paraqitur projektin me te mire për qytetin e Shkodrës! Zgjedhim Shkodrën!
