“Kam qenë në banesë natën e ngjarjes”, i dyshuari si ekzekutor i efektivit të FNSH Shkodër u vetëdorëzua

Nikoll Sherrniku, një prej autorëve të dyshuar të ekzekutimit të efektivit të FNSH-së, Xhulio Prela është vetëdorëzuar në polici dhe nuk është arrestuar apo kapur nga uniformat blu.

Mësohet se Sherrniku është vetëdorëzuar në polici më datë 19 dhjetor në komisariatin e policisë së Kurbinit. Ndërkohë policia njoftoi se ai ishte arrestuar ditën e djeshme.

Ai ka mohuar të ketë lidhje me ngjarjen, duke thënë se atë natë ka qenë në banesën e tij.

Nikoll Sherrniku është një prej të arrestuarve si autor i dyshuar i ekzekutimit të efektivit të FNSH-së Xhulio Prela i ekzekutuar në orët e para të mëngjesit të datës 5 dhjetor.