Duke pa vetshpalljen dhe informacionin që më vjen tërthorazi (se nuk jam më ai nënkryetari i ditëve të vështira, kur telefoni nuk mbante bateri nga shoku Flamur) që unë nuk qenkam i pranueshëm për kryetar dhe rregulli i treshit të vetëpërjashtimit u aplikoka edhe tek unë, emrin tim ma paska eliminuar dikush atje lart.
I baj me dije demokratëve se unë kam plotësuar formularin dhe nuk jam tërhequr. E vetmja tërheqje ka qenë ajo e 2022 kur dola në balotazh përballë makinerisë deformuese të vullnetit që demokratët shkodranë e njohin mirë, për mos t’a çuar në përçarje të mëtejshme PD-në.
Do të tërhiqesha vetëm nëse përballë meje do ishte një mik e një bashkëvuajtës i imi e jo një përfitues e shitës i mundit të sivllezërve të mi (pasuria e vënë në postin shtetëror e bën të ekspozuar edhe pa ia përmendur emrin).
Unë kam lindur demokrat pa lindur kjo parti. Kam bërë stazh shumëvjeçar në fermë me gjithë familjarët e mi, jo si i pagllendur por si i persekutuar dhe jo si disa bij spiunësh e imoralësh që sot na shiten për pionierët e demokracisë.
E për t’a mbyllur i baj thirrje kryetarit Sali Berisha, nënkryetarit Luçiano Boçi të marrin në dorë situatën e partisë në Shkodër sa nuk është vonë e këtë ua kërkoj si nënkryetar i zgjedhur me votë e me luftë kundra përfituesve e humbësve të vërtetë. /Nga Arben LUSHAJ, nënkryetar i PD Shkodër, publikuar në Facebook/
