Gazetari Artan Hoxha ka komentuar informacionet e publikuara nga e-mail-et e Gledis Nanos ku sipas tyre ishte planifikuar një atentat ndaj kryeministrit të Kosovës, Albin Kurti.
Hoxha është shprehur se kjo ka qenë një ngjarje e stisur, teksa shton se ka pasur kontakt me personin e përmendur në këtë e-mail si autor i dyshuar që do kryente vrasjen.
Hoxha tha gjatë një interviste për emisionin “Pressing” në Kosovës, se Prek Kodra është një gjahtar i thjesht i cili nuk rezulton të jetë dënuar më parë.
Artan Hoxha: Aksioni do kryhej gjatë 4 muajve. Do vritej zoti Haxha, më pas Xhavit Haliti dhe në shenjë hakmarrjeje edhe kryeministri i Kosovës. Ky informacion i ka shkuar Gledis Nanos nëpërmjet arkivës elektronike të Policisë së Shtetit. Një nga dokumentet që u publikua është kjo gjë. Aty bëhej gati e sigurt që nga Shqipëria po organizohet një ngjarje e tillë. Personi që ishte lokalizuar si ekzekutori i kësaj historie, Prek Kodra, relatohej si snajperisti më i mirë Shqiëprisë. I cili dyshohej për një atentat me spanjper në Rrëshen e në Elbasan. Dyshohet për atentatin ndaj Kastriot Reçit, që nuk është zbuluar as sot. Arma ka rezultuar e marrë në Kosovë.
Në atentatin tjetër të dështuar në Elbasan ndaj Ardjan Çapja. Po ta shikosh në këtë formë, ta mbushte mendjen që ky, se s’kishte as foto të Prekës, gjatë ditës së djeshme kam kontaktuar me të. Dhe sot kam menduar ta sjell apo jo në Kosovë.
Për mua është një histori e stisur. Albin Kurti është kryeministri i Kosovës, e pastë jetën e gjatë, nuk ka pasur asnjë fije rreziku që i vinte nga një shtetas i Shqipërisë. Personi i cili është vënë në epiqendër, është një gjahtar, kaq. Nuk është as snajperist, nuk ka qenë në forcat special të Republikës së Shqiëprisë, nuk ka qenë as i dënuar. Prek Kodra dje më ka treguar që është vënë në dijeni të kësaj historie ditën që është publikuar nga hakerat iranianë informacion që i ka shkuar drejtorit të Policisë së Shtetit.
