Kandidati i Partisë Socialiste për Bashkinë e Shkodrës Benet Beci ka zbuluar ofertën e tij për kryeqendrën e Veriut. Në Quo Vadis në Vizion Plus, Beci tha se Shkodra është qendra e Rajonit, e cila është lënë në harresë dhe nuk ka projekte konkrete për zhvillimin e vendit.
Beci theksoi se ai ka projekte të cilat do marrin jetë nëse merr votbesimin e shkodranëve, për të lidhur qytetin me Ulqinin apo Gjakovën.
“Ta kthejmë Shkodrën në historinë e saj. Shkodra ka qenë qendra e Rajonit. Kur vinin nga Ulqini në Shkodër, të gjithë tregonin në Ulqin se çfarë bëhej në Shkodër. Sot është e kundërta. Shkodranët shkojnë andej, punësohen atje, mendojnë se është më atraktive. Shkodra duhet të kthehet në qendrën e Rajonit. Shkodra është një perlë, një xhevahir. Shkodra duhet të jetë qendër ekonomike dhe i ka të gjitha burimet natyrore dhe njerëzore.
Kemi një universitet të jashtëzakonshëm, Shkodra vuan nga largimet, siç vuan nga çdo gjë tjetër. Në Shkodër duhen investime. Sot në Shkodër nuk ke as fasada. Je në një hyrje, që vetëm hyrje qyteti nuk është. Pjesa e jashtme e Shkodrës, është e rëndësishme të ketë lidhje me Ulqinin. Ne kemi një projekt që është Buna, të jetë i lidhur me Gjakovën apo pjesën tjetëqr mbi liqen. Të gjithë konceptet do e bëjnë Shkodrën një qendër historike”.
Qeveria është e vonuar për investimet në Shkodër. Kështu ka deklaruar kandidati i PS për kryetar bashkie Benet Beci. Në Quo Vadis, ai tha se rrugët e Shkodrës duhet të ishin bërë shumë kohë më parë.
“Edhe qeveria për rrugën duhet të kishte punuar më shpejt. Ka filluar por është vonë në rrugët e Shkodrës. Është e patolerueshme kjo vonesë në kohë. Është kthyer disa herë tenderi i rrugës së Lezhës etj. Rrugët e Shkodrës duhet të ishin bërë më parë.”.
Agron Çela, ish deputeti i Partisë së Lirisë i cili u bashkua me PS dhe prania e aleatit Tom Doshi është një mbështetje për Benet Becin në Shkodrë.
Këtë gjë e bëri të ditur vetë Beci, duke lënë të hapur rrugën për këdo personazh tjetër, që ka dëshirën që Shkodra të zhvillohet dhe të bëhet më e mirë, teksa u pyet se si ndihet që ka në krah Doshin, Çelën dhe Elisa Spiropalin.
“Këto janë realitete politike prej shumë vitesh, të vlerësueshme që është shumë supotuese. Unë ndihëem mirë me të gjithë që na mbështesin, akën vlerësimin tim për këtë gjë. Kjo nuk përfshin vetëm aleatët, përfshin edhe ata që sot nuk janë aleat, por do bëhen nesër për të zhvilluar Shkodrën. Në këtë rast, pjesa është aq pak politike, saqë ofera, afrimi dhe mbështetja për të bërë Shkodrën është i mirëpritur. Unë u jam mirënjohës atyre që do bashkohen. Një aleancë e madhe do ishte një avantazh i madh.”.
