Ju kujtohet Bleona e vogël, nëna e saj thotë se e di ku ndodhet vajza që i’u zhduk në 2010-ën…

Bleona Mata është vajza e vogël 6 vjeçare që u zhduk pasditen e 22 majit të vitit 2010, teksa kulloste bagëtitë në malin e fshatit Zapod të Kukësit . Policia dhe banorët e zonës kërkuan me orë të tëra nëpër mal, por nuk gjetën asnjë gjurmë të vajzës dhe që prej asaj dite nuk dihet asgjë rreth fatit të saj.

Ne fillim dyshimet ranë mbi vajzat që e shoqeronin Bleonën atë ditë, mes tyre ishte dhe halla e 6 vjeçares. Pavarësisht dyshimeve të shumta mbi hallën, Qamile Mata, hetimet e policisë dhe prokurorisë nuk mundën të provonin asnjëherë se ajo bashkë me shoqërueset e tjera kishin djeni mbi ngjarjen. Gjyshja e Bleonës tha në atë kohë se kishte parë një person që nuk ishte banor i fshatit.

Tashmë Bleona 14 vjeçe vazhdon të jetë e zhdukur dhe nëna e saj Bukuria nuk i ka humbur asnjëherë shpresat se do ta gjejë një ditë.

Zonja Bukurie gjatë këtyre viteve ka marrë shumë lajme rreth të bijës, por që vazhdojnë të mbeten në mjegull, për sa kohë nuk ka asnjë konfirmim. Dikur dikush i kishte thënë që e kishin parë të voglën në shtetin grek duke lypur, dikush tjetër i kishte thënë që ishte e shoqëruar me një çift, të cilët sipas hamëndësimeve mund të jenë prindërit birësues, ndërsa më e fundit, një emigrant në Londër i ka nisur një foto ku duket se e ka parë vajzën . Sipas nënës personi që e mban është nga Maqedonia dhe e ka kaluar vajzën nga Greqia, pastaj në Maqedoni dhe tashmë në Londër. Ajo shprehet se vendodhja e vajzës ndërrohet gjithmonë që policia mos ta gjejë.

E ëma e Bleonës, deklaron se ka kërkuar 20 mijë euro në këmbim të së bijës. Bukurie Mata tha per Tv Fax News që përgjegjësine për humbjen e vajzes së saj e kanë vetëm 5 vajzat e fshatit që ishin me Bleonën. Sipas saj ata e dinë se ku ndodhet Bleona Mata, ndërkohë që jane të lira dhe policia nuk po heton me. Prandaj ajo kwrkon ndihmwn e institucioneve shtetwrore.

Fati i Bleones vazhdon të mbetet në mëshirë të fatit…