Vllaznia ka marre pasditen e sotme nje fitore shume te rendesishme ndaj Kastriotit me rezultatin 1-0, por ka qene nje takim qe ka patur brenda edhe polemikat. Shkodranet kane patur pretendime ndaj arbitrit ashtu si dhe krutanet.
Por perpos golit, momenti kritik i kesaj ndeshje ka qene edhe ndeshkimi me karton te kuq i Adilit. Ai u ndeshkua ne minuten e 91-te me kartonin e dyte te verdhe, per gjoja vonesa loja dhe rrjedhimisht mori edhe te kuqin nga arbitri Beqiraj.
Kjo gje ka sjelle nje reagim te ashper te mbrojtesit te Vllaznise qe duke iu drejtuar dhomave te zhveshjes, eshte shprehur para kamerave se “ka mbaruar futbolli”.
“Shkodra Sport” e ka kontaktuar mbremjen e sotme mbrojtesin e Vllaznise duke i bere nje pyetje: “A mendon se ishte e qellimshme dhenia e kartonit te kuq dhe çfare doje te thoje me shprehjen “futbolli ka vdekur”?
Dhe Adili ekskluzivisht per gazeten “Shkodra Sport” eshte shprehur: “Po ne mos une, ndonjeri nga lojtaret e Vllaznise do te merrte karton te kuq, te jeni te bindur per ketë. Arbitri do e bente per ta larë veten per penalltine qe e dha e qe ndikoi ne rezultat direkt.
Ne patem fat qe eshte VAR-i sepse asnjehere nuk do e jepte penalltine, Po i njejti arbiter sezonin e kaluar dha nje penallti inekzistente ne Shkoder per Bylisin ne minuten e 95-te. Jo ka vdekur futbolli por me keto arbitra nuk ka futboll”. /Nga Marinela MATIJA/
