President serb Aleksandar Vucic ka njoftuar se do të dorëhiqet “ditët e javët e ardhshme”, duke hapur rrugën për zgjedhje presidenciale dhe parlamentare të parakohëshme.
“Këto janë ditët e javët e fundit si Presidenti i Republikës. Më pas, do të dorëhiqem”, ka deklaruar Vuçiç në Beograd, gjatë një tubimi të mbështetësve të Partisë Progresiste Serbe (SNS), sipas asaj që referojnë mediat e Beogradit.
I dyti dhe i fundit mandat si president, do të duhej të skadonte në 2027. Njoftimi vjen ndërsa vijojnë protesta antikorrupsion të udhëhequra nga studentët, që kërkojnë zgjedhje të parakohëshme pas vdekjes së 16 personave në shembjen e mbulesës së stadionit hekurudhor të Novi Sad në nëntor 2024 dhe që janë shenjuar nga përplasje të shpeshta mes policisë e manifetuesve.
“Në zgjedhjet e ardhshme, nëse partia do ta dojë dhe do të ma kërkojë, bashkë me ju do ta ndihmoj të fitojë besimin e qytetarëve”, ka pohuar Vuçiç në një fjalim të transmetuar direkt nga televizionet kryesore serbe. Presidenti nuk ka treguar as datën e dorëheqjes dhe as atë të votimeve.
Vuçiç është në pushtet prej 12 viteve si president ose kryeministlr, ndërsa Serbia është kandidat për hyrjen në Bashkimin Europian nga viti 2012.
