Ka përfunduar në mënyrën më të keqe të mundshme udhëtimi i një 22- vjeçari nga Kurbini. Ishte nisur me autobus drejt Milanos në Itali, por ka përfunduar në burg në Shkodër. Gjatë kontrollit rutinë në Muriqan, atij i janë gjetur 2 doza Kanabis Sativa dhe menjëherë është arrestuar. 22- vjeçari jo vetëm nuk ka mundur të shkojë në Itali, por i ka hapur telashe vetes edhe me Shqipërinë.
“Më datë 10.06.2018, u arrestua në flagrancë shtetasi S.P., vjeç 22, banues në fshatin Gurës, Kurbin, pasi në PKK Muriqan, Shkodër, në autobusin e linjës Tiranë-Milano, iu gjet e bllokua me cilësinë e provës materiale, 2 doza lëndë narkotike e llojit Cannabis Sativa. Materialet u referuan në Prokurorinë pranë Gjykatës së Shkallës së Parë Shkodër. Neni 283 i Kodit Penal.”, thuhet në njoftimin e Policisë së Shkodrës.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
