Ish-zv.kryeministrja teknike Ledina Mandia ka paditur ditën e sotme kryeministrin Edi Rama. Mësohet se shkodrania Mandia e ka depozituar padinë e saj në Gjykatën Administrative, pasi kërkon rikthimin në detyrë në Avokaturën e Shtetit.
Mandia dëshiron të kthehet në detyrën që ka pasur përpara se të emërohej si zv.kryeministre e përkohshme. Kujtojmë se Ledina Mandia, shërbeu si zv.kryeministre në qeverinë Rama prej majit 2017, pas marrëveshjes Rama-Basha, përpara zgjedhjeve parlamentare të 25 qershorit, ndërkohë më parë ka mbajtur pozicionin e Avokates së Shtetit.
