Ish- kryeprokurori Llalla u dënua 2 vite burg, bashkëshortja e tij “përshendet” gazetarët me gishtin e mesit lart

Policia gati për të arrestuar ish-kryeprokurorin Adriatik Llalla, gruaja e tij u tregon gishtin e mesit gazetarëve. Policia e Shtetit tanimë ka në dorë urdhërin e SPAK – Strukturës së Posaçme kundër Korrupsionit dhe Krimit të Organizuar për arrestimin e ish-kryeprokurorit, Adriatik Llalla.

E teksa pas vendimit të dhënë nga gjykata për ta dënuar ish-kryeprokurorin me burg gazetarët u stacionuan në shtëpinë e tyre, kamera fiksoi edhe momentin kur bashkëshortja e tij mbërriti në shtëpi.


Teksa futej brenda, ajo u nxori gishtin e mesit gazetarëve të mbledhur para banesës tek “Rruga e Elbasanit”. Gjykata e Posaçme e Apeli e dënoi këtë të mërkurë me 2 vjet heqje lirie ish-kryeprokurorin Adriatik Llalla.

Hapi i radhës tashmë është ekzekutimi i këtij urdhri, duke arrestuar Llallën, vendndodhja e të cilit nuk dihet. Në një foto të publikuar sot, Llalla shfaqej me valixhe në dorë në Itali.