Që në orët e para të mëngjesit të sotëm forca të shumta policore dhe fadroma kanë shkuar për të prishur banesat në Bregun e Lumit. Por edhe sot ata kanë hasur në rezistencën e banorëve, të cilët janë të vendosur të mos lejojnë me çdo kusht prekjen e banesave, të cilat janë parashikuar të prishen për zgjatimin e Bulevardit të Ri.
Ish- deputetët e Partisë Demokratike, Klevis Balliu dhe Jorida Tabaku kanë shkuar në mbështetje të banorëve ashtu si një ditë më parë, siç njofton PD. Një ditë më parë INUV dhe policia u tërhoqën pas protestës së banorëve.
Ndërkohë që mësohet se disa banorë janë shoqëruar në polici.
