Ish- kryeministri Berisha, vazhdon publikimin e mesazheve që i vijnë nga “qytetari dixhital”, siç i quan ai. Para pak minutave, ai ka publikuar një mesazh, që sipas Berishës, i ka ardhur nga një banorë i Pultit në Dukagjin të Shkodrës. Sipas mesazhit të publikuar, dërguar nga një çoban, në atë zonë nuk ka më hapësirë për të kullotur bagëtitë. Kjo, pasi të gjitha tokat po mbillen…
“Kullotat mbillen me hashash! Nuk ka ku te kullose bagetite sepse tokat jane mbjelle me kanabis elektoral. Lexoni mesazhin e qytetarit dixhital. sb
pershendetje dokror Berisha,ju uroj shendet te plote ty dhe familjes tane, une qe po ju shkruaj jam nje banor i dukagjinit me origjine nga fshati Plan i komunes Pult, ose me sakte ne fshatin qe eshte qelluar dhe rrezuar helikopteri i shtetit per arsye te mbjelljes masive te hashashit nga njerez qe akoma nuk jane pas hekurave,
jam qoban bagetish dhe nuk guxoj te dal me bageti ne fshatin tim sepse e i kane mbjedhe gjithe tokat me hashash dhe nuk kam ku ti kullos bagetit, me kercenojne familjet e forta qe mjellin hashash nese dal me bageti ne token ku kam lindur un, baba,gjyshi e gjith brezat me rralle , e ndieva te nevojshme ta dergoj ty kete mesazh sepse askun tjeter nuk me pin uje fjala, ju lutem anonim sepse me vrasin”, thuhet në mesazhin e publikuar nga ish- kryeministri Berisha, referuar një “qytetari dixhital”.
